2026威士忌聖誕月曆點揀？IWE紅盒、白盒、禮物工廠一文睇清
想送支威士忌畀人，但唔知佢飲咩好？
送一整瓶，最怕揀中唔啱佢口味嗰款，最後放喺酒櫃積塵。想畀佢試多幾款，又冇理由一次過買幾支。
威士忌聖誕倒數月曆正好幫到手：一盒24格，每格一款酒，12月1號開第一格，平安夜開最後一格。等於一盒就可以畀對方試24款唔同嘅威士忌。
今年IWE（Islay Whisky Experience）有三款月曆，每款方向都唔同。簡單講：新手揀紅盒，鍾意日威揀白盒，想試高年份、舊年代或停產酒廠嘅酒迷就揀禮物工廠。 下面逐款講。
三款月曆有咩分別？
系列 | 主題 | 啱邊類人 |
|---|---|---|
紅盒 The Scarlet Collection | 蘇格蘭五大產區 | 啱啱開始飲、想試多啲唔同口味 |
白盒 The Shirayuki Collection | 日本威士忌 | 鍾意日威、想飲得深入啲 |
禮物工廠 The Grand Atelier | 世界威士忌，按版本分高年份、舊年代、停產酒廠 | 已經飲過唔少、想試平時難遇到嘅酒 |
三款都係24格，最大分別係你想由邊個方向開始飲。
紅盒：未知自己鍾意咩，就由產區開始
好多人飲咗幾年威士忌，嚟嚟去去都係嗰兩三個牌子。唔係唔想試新嘢，而係唔知由邊度開始試。
紅盒用蘇格蘭五大產區做主線。今日可能飲到花香同果香，過兩日變成海邊嗰種鹹鹹哋嘅感覺，再遲啲又飲到煙燻味。幾款擺埋一齊比較，好快就會知道自己其實鍾意邊一種。
唔使識好多酒名都可以開始。每日留意一兩種香味，記低自己覺得點，已經夠。
啱送： 啱啱開始飲、平時只飲固定幾款，或者想搞清楚蘇格蘭各個產區有咩分別嘅朋友。
白盒：鍾意日威，想飲得深入啲
香港好多人鍾意日本威士忌，但講起日威，好多人都只係講到「好順口」、「易入口」。
白盒成盒都係日本威士忌。可以由一款你熟悉嘅開始，然後慢慢問自己：我鍾意嘅係細緻嘅花果香、麥芽嘅甜味，定係木桶帶出嚟嘅層次？
分開24日飲仲有個好處：今日覺得好柔和嘅一杯，過幾日同另一款擺埋一齊再飲，可能會飲到之前冇留意到嘅細節。
啱送： 平時鍾意日威，或者想認識多啲日威風格嘅朋友。
禮物工廠：畀常見酒款都飲得七七八八嘅酒迷
今年嘅 The Grand Atelier 係一間識郁嘅聖誕禮物工廠。拆開已經好有儀式感，但重點始終係入面啲酒，主要係平時好難接觸到嘅高年份、舊年代同停產酒廠。
禮物工廠分幾個版本：
高年份版本： 主打20年以上嘅威士忌。
Vintage 80's 版本： 主打1980年代蒸餾嘅酒款。
Silent Distillery 版本： 主打已停產酒廠喺1960至1970年代蒸餾嘅酒。
系列亦有單桶等方向。要留意，每個版本嘅酒單都唔同，買之前記得問清楚自己揀緊邊個版本。
如果對方常見嘅酒都飲得七七八八，呢盒可以畀佢試到平時好難遇到嘅味道，又唔使逐支買。
啱送： 有收藏習慣、鍾意比較唔同年代同酒廠風格，或者對老酒有興趣嘅朋友。
唔知對方鍾意咩，點揀？
問自己三條問題就得：
1. 佢係新手，定飲咗好多年？
新手可以由紅盒開始。飲咗好多年嘅，就睇下禮物工廠邊個版本啱佢。
2. 佢係咪特別鍾意日威？
係嘅話，可以考慮白盒。
3. 佢鍾意試新嘢，定鍾意搵舊年代嘅味道？
鍾意試新嘢，可以揀紅盒或者白盒。想搵舊年代味道，就揀 Vintage 80's 或者 Silent Distillery。
最緊要嘅係，唔一定要揀最貴嗰盒。揀啱對方有興趣嘅方向，佢先會期待開下一格。
每日一杯，點飲先更有意思？
IWE月曆附有學習筆記，用「花、果、鹽、煙」四個方向幫你記低每杯嘅味道。
唔使識講專業術語。每杯記低三樣嘢就夠：
第一下聞到咩味
入口最明顯嘅感覺
鍾唔鍾意，點解
飲完24杯再翻睇，大概就會知道自己口味係點。每格都可以留少少，之後擺埋一齊再比較，會更清楚。
常見問題
新手適合買威士忌聖誕月曆嗎？
適合。新手可以先揀以蘇格蘭五大產區做主線嘅紅盒，配合附送嘅學習筆記，每日試一款，慢慢搵到自己鍾意嘅味道。
一定要每日飲一款？
唔使。24格只係配合聖誕倒數，你鍾意幾時飲就幾時飲，留到同朋友聚會一齊開都得。
禮物工廠幾個版本嘅酒係咪一樣？
唔一樣。高年份、Vintage 80's 同 Silent Distillery 各有自己嘅選酒方向，以你所揀版本嘅正式酒單同產品說明為準。
IWE可以幫手揀嗎？
可以。話我哋知你嘅預算、收禮人平時飲開咩牌子、飲咗幾耐，我哋會幫你揀最啱嘅版本。
今年聖誕，送一份可以慢慢拆嘅禮物
一盒月曆，可以送畀朋友做驚喜，亦可以留返畀自己，喺12月慢慢品飲。
蘇格蘭、日本、老酒、停產酒廠，揀一個你想試嘅方向，今年聖誕一格一格咁開。
查詢2026 IWE威士忌聖誕月曆、各版本價錢及供應：
文／Tiga Chan｜Islay Whisky Experience 創辦人、《品味投資威士忌》作者
留言